முயன்றாலே முடியாதன ஏதுமில்லை-நம்மை முன்னேற்ற முயல்வதிலே தீதுமில்லை!

முயன்றாலே முடியாதன ஏதுமில்லை-நம்மை

   முன்னேற்ற முயல்வதிலே தீதுமில்லை

உயர்ந்தோங்கி வளர்கின்ற மரமேபோன்றே-எவரும்

   உள்ளத்தில் பெறுமுறுதி  வரமாத்தோன்ற

வியந்தேதான் காண்போரும் எண்ணவேண்டும்-ஆய்ந்து

   வினையாற்றி வழிகாணில் வெற்றியாண்டும்

பயனாற்றும் வாழும்வகை நாளும் காட்டும்-நன்கு

   பண்பட்ட மனிதரென புகழும்  சூட்டும்

புலவர்  சா  இராமாநுசம்