போகாது போகாது சாதி மடமை-சிலரின் பிழைப்புக்கே அதுதானே துணையாம் உடமை

போகாது போகாது சாதி  மடமை-சிலரின்

   பிழைப்புக்கே  அதுதானே துணையாம்  உடமை

நோகாது  வாழ்கின்றார்  சொல்லி  அதனை-அன்னார்

   நோக்கமும் நிறைவேற நாளும் இதனை

சாகாது  காக்கின்றார்! அந்தோ  கொடுமை-எனவே

   சதிகாரர் சூழ்ச்சிக்கு  மக்கள்   அடிமை

ஆகாது இதுவென்றே உணரும்  நாளே-உலக

   அமைதிக்கு வழிகாணும்! தருவீர்  தோளே!

புலவர் சா  இராமாநுசம்