தொலைத்திட்ட நிம்மதியைத் தேடுகின்றேன்—மேலும் தொலைத்தயிடம் அறியாது வாடுகின்றேன்

தொலைத்திட்ட  நிம்மதியைத்  தேடுகின்றேன்—மேலும்

     தொலைத்தயிடம்  அறியாது வாடுகின்றேன்

கலைத்துவிட்ட தேனடையின் ஈக்கள்வந்தே- தேடித்

      கலைத்தவனை கொட்டிவிடும்  துயரம்தந்தே

நிலைத்துவிட  உள்ளத்தில் நொந்துபோனேன்-துளியும்

      நிம்மதியைக்  காணாது  ஏங்கலானேன்

அலைத்தடத்தில் கடலோர  மணலின்  வீடாய்-அந்தோ

       ஆயிற்றே என்செய்வேன் அணைத்தும்  வீணே!

புலவர்  சா  இராமாநுசம்