ஓட்டென்றால் நம்முடைய உரிமைச் சீட்டே –அதை
உணராது பலவகையில் வீணாய்ப் போட்டே!
நாட்டைத்தான் கெடுத்தவர்கள் நாமே ஆகும் –தேர்தல்
நாடகத்தில் இன்றுவரை! துயரா போகும்!
கோட்டைதான் குறிக்கோளாய் கொள்கை என்றே-ஆட்சிக்
கோலோச்ச கட்சிகளும் கூடி நின்றே!
காட்டைத்தான் வீடாக்கி விட்டார்! நாளும் –ஏழை
கண்ணீரைத் துடைப்பதற்கு என்றா ஆளும்!
பட்டதுயர் போதுமினி படவும் இயலா – நம்மின்
பகுத்தறிவு அணுவளவும் என்றும் முயலா!
இட்டபடி ஆள்வோரே வருவா ராக-நீங்கா
இன்னல்தான் நிலையென்ற நிலமை போக!
திட்டமிட்டு செயல்படுவோர் ஆட்சி வருமா –மக்கள்
தேவைகண்டு சேவைசெய்யும் திருநாள் தருமா!
குட்டதலை குணிவதுவோ! இனியும் வேண்டாம்-நிமிர
குறைதீரும்! காலமது கனியும்! ஈண்டாம்!
புலவர் சா இராமாநுசம்
கவிதை அருமை ஐயா அனைத்து மக்களும் உணர்ந்தால் நலமே....
ReplyDeleteதேர்தல்
ReplyDeleteநாடகத்தில் இன்றுவரை! துயர் போகவில்லை ..அய்யா...
எந்த கட்சிக்குத்தான் வாக்களிப்பது
ReplyDelete#பட்டதுயர் போதுமினி படவும் இயலா#
ReplyDeleteஉண்மைதான் அய்யா !
ஐயா.. யார் வந்தாலும் மக்களுக்குத் துன்பம்தான். நாட்டு மக்களுக்காக யாரும் ஆள வருவதில்லை. தம மக்கள், தம் செல்வங்களை உயர்த்திக் கொள்ளத்தான் படாத பாடு படுகிறார்கள்.
ReplyDeleteநன்றாக அலசி உள்ளீர்கள்
ReplyDeleteதங்கள் பதிவுகளை இணைத்து மின்நூல் ஆக்க உதவுங்கள்
http://tebooks.friendhood.net/t1-topic
வரிகளா...?
ReplyDeleteஇது வலிகளா...?
அருமை ஐயா....!
அருமை
ReplyDeleteநதம +1
அருமையான கவிதை ஐயா...
ReplyDelete