ஆறாது அன்னவரும் வெகுண்டு எழுவர்-தடுக்கும் ஆற்றலின்றி அரசுகளும் கவிழ்ந்து விழுவர்!

ஏறுவதும் இறங்குவதும் கண்ணா மூச்சே-இங்கே
எண்ணைவிலை ஆயிற்றே! பழகிப் போச்சே-ஆனால்
மாறாது விலைவாசி ஏறல் ஒன்றும் – வாழும்
மக்களுக்கே மாறாத துன்பம் என்றும்-பதில்
கூறுவதும் இல்லையாம் ஆள்வோர் தானே -மனம்
குமுறுவது நடுத்தர, ஏழைகள் முற்றும் வீணே!-ஒருநாள்
ஆறாது அன்னவரும் வெகுண்டு எழுவர்-தடுக்கும்
ஆற்றலின்றி அரசுகளும் கவிழ்ந்து விழுவர்!

புலவர் சா இராமாநுசம்