தாங்காது தாங்காது இயற்கைத் தாயே –உடன் தடுத்திடு வாராமல் தொத்து நோயே

தாங்காது  தாங்காது  இயற்கைத்   தாயே –உடன்

      தடுத்திடு   வாராமல்   தொத்து  நோயே

தூங்காத  விழியிரண்டின்  துணையக்  கொண்டும் விரைந்து

       தொலையாத  இரவுயென  துயரம்   மண்டும்

நீங்காத  என்றேதான்  நாளும்  பொழுதும்-அந்தோ

       நிலையான  நிலையாலே நெஞ்சுள்  அழுதும்

தேங்காது  கண்ணீரும்  சிந்து  கின்றோம்  -இயற்கைத்

      தேவியேயுன் திருவடி  தொழுது  நின்றோம்!

புலவர்  சா  இராமாநுசம்