கடிகாரம்

       

 சுற்றும் உலகம் தன்னோடு-முள்
   சுற்றி வருமே என்னோடு
 சற்றும் நேரம் தவறாமல்-கதிர்
   சாய இரவும் வாராமல்
இற்றை வரையில இருந்திலவே-நேரம்
   எதுவென மனிதர் அறிந்திடவே
ஒற்றைக் கையில் கட்டிடுவார்-வீட்டில்
  உயர சுவற்றில மாட்டிடுவார்

ஆமாம் என்பெயர் கடிகாரம்-மக்கள்
  அடிக்கடி பார்க்க மணிநேரம்
தாமத மாகா அலுவலகம்-அவர்
   தடயின்றி செல்ல இவ்வுலகம்
தாமே தம்மை சுற்றவிடும்-ஆனால்
   தடைபட என்விசை கெட்டுவிடும்
நாமா காரணம் அவர் கோபம்-ஏனோ
   நம்மிடம் வருவது பரிதாபம்

எத்தனை வகையில் என்னுருவம்-கால
   இயற்கையில் மாற பலபருவம்
அத்தனை நிலைக்கும் ஏற்றபடி-எம்மை
   அழகாய் அமைத்துளார் மற்றபடி
சத்தம் காட்டுவார் சிலபேரே-ஆனால்
   சாந்தமாய் இருப்பார் பலபேரே
புத்தகம் போடலாம் எம்பெருமை-அறிய
   போதுமே காலத்ததின் தம்அருமை

வீணாய் காலத்தை போக்காதீர்-பின்
  வேதனை விளைந்திட ஆக்காதீர்
போனால் பொருளும் திரும்பிவரும்-வந்து
  போனக் காலமா திரும்பிவரும்
காணார் வாழ்வில் முன்னேற்றம்-என
  கண்டும் தெளியார் பின்,ஏற்றம்
பூணார் என்றுமே ஏமாற்றம்-இதை
   புரிந்தவர் வாழ்வில் வருமாற்றம்
     
         புலவர் சா இராமாநுசம்