பழமொழிக் கவிதை

             மருமகள் உடைத்தால் பொன் குடமே-அதுவே

                மாமியார் உடைத்தால் மண் குடமே

             இருவருக் கிடையே வேற்று மையே-என்றும்

                ஏற்பட வந்ததாம் பழ மொழியே

             ஒருவர் விட்டுக் கொடுத் தாலே-வீட்டில்

                உலவும் அமைதி அத னாலே

             வருவோர் கண் டால் பாராட்டும்-அங்கே

                  வாரா  எண்ணு வீர்  போராட்டம்

             ஒத்துப் போவது உயர வென்றே-இருவர்

                   உணர்ந்தால் போதும் அது நன்றே

             சத்தாய் வளர்த் திடும் உள்ளத்தை-மேலும்

                   சாந்தமே திகழ்ந் திட இல்லத்தை

             வித்தே ஆகும ஒற்று மையே-எனில்

                   வேண்டா  மங்கே மற்ற வையே

            சித்தம் வைப்பீர் பெண் னினமே-என

                    செப்பிட செப்பிய தென் மனமே

                               புலவர் சா இராமாநுசம்