போனாய் எங்கே தமிழ்மணமே

போனாய்  எங்கே தமிழ்மணமே-எட்டிப்

   பார்த்துடன் மறையும் தமிழ்மணமே

ஆனாய்  என்ன  அறியோமே-எங்கள்

   ஆவலை அடக்க தெரியோமே

தேனாய் இனிக்க வருவாயே-பதிவை

  தேடி  எடுத்துத் தருவாயே

மானெனப் பாய்ந்து போவதுஏன்-வந்து

   மறையும் நிலைதான் ஆவதுஏன்

எங்கே சென்றாய் சொல்வாயா-உன்

   எதிரியை எதிர்த்து வெல்வாயா

இங்கே பலரும்  அலைகின்றார்-தினம்

     ஏங்கி  ஏங்கி குலைகின்றார்

அங்கே தங்கி விடுவாயா-மனம்

     அஞ்சுதே துயரம் படுவாயா

பங்கே உன்னுடன் நாள்தோறும்-வைத்த

   பதிவரின் துயரை உடன்பாரும்

     புலவர் சா இராமாநுசம்