நீக்கிட வேண்டும் குறைசாடல்

நேற்றே எழுதினேன் ஒருபாடல்-உடன்

    நீக்கிட வேண்டும் குறைசாடல்

போற்றி வளர்ப்பீர் ஒற்றுமையே-நடந்து

    போனதைப் பேசல் வேற்றுமையே

சாற்றிட வேண்டுமா அதைமேலும்-வீண்

     சண்டைகள் தானே தினமூளும்

தோற்றவர் வென்றவர் வேண்டாவே-இதில்

    தோளொடு தோளென பூண்டாவே

 போதுமா? போட்டால்  தீர்மானம்-அறப்

     போரெனில் காக்க நம்மானம்

 மோதலே நம்மிடை எழுமாயின்-அதன்

     மேன்மை கெடவும் பழுதாமே

 ஏதுவாய் ஆகும் தமிழினமே-உலகம்

      எள்ளி நகைக்க வரும்தினமே

 ஆதியும அந்தமும் ஆயாமல்-கூடி

      ஆவன செய்வோம் ஓயாமல்

ஆறினால் கஞ்சியும் பழங்கஞ்சி-என

     ஆகும் நிலைக்கு நாமஞ்சி

வீரியம் கொண்டு எழவேண்டும்-ஈழம்

     விடுதலை உடனே பெறவேண்டும்

காரியம் முடியும் வரைநாமே-தினம்

     கண்துயிலும் நிலையை மறப்போமே

கூறினேன் மனதில் தோன்றியதை-கரம்

    குவித்து வேண்டினேன் செய்யுமிதை

              புலவர் சா இராமாநுசம்